Edzanèk’e Ası̀ı Wedanàgeta eyıts’ǫ Ehkw’ı Nàowo - K’àowodeè Wegǫndı Nek’ǫ̀a - Canada K’ezhı̀ Hòezık’e eyıts’ǫ

Dı̀ı hanı̀ ładı̨ adla dè wet’à deèɂǫ̀ nezı̨ eghàlagı̀de ha eyıts’ǫ hotı nezı̨ ełets’àgedı ha eyıts’ǫ edàanı̀ dǫne sǫǫ̀mba geèkè sı̀ı wı̨ı̨d̀ı ade ha; edàanı̀ sǫǫ̀mba t’àgeèt’ı̨ ha sı̀ı gıts’ǫ̀ k’agede ha; eyıts’ǫ hoghàgetǫ ha sı̀ı ı̨daà whagots’ǫ̀ sǫǫ̀mba whacho whela xè gıt’àt’ı̨ ha eyıts’ǫ ası̀ı wet’à netłǫ ade ha dǫ hoghàgetǫ ha, ası̀ı wedanàgeta t’ahsı̀ ts’ǫ sǫǫ̀mba ade ha eyıxè ası̀ı wexòedı. [...] Dı̀ı ełek’èa gı̨wǫ-le nàowo ts’ǫhk’e sı̀ı wet’à ayı̀ı weghàlats’eda ha ts’ı̨wǫ ı̨lè sı̀ı dǫne ayı̀ı k’e eghàlada sı̀ı eyıts’ǫ dǫne hazǫ ełexè eghàlahòeda gı̨wǫ, dǫne edàanı̀ eghàlagı̀de sı̀ı gıxòedı ha eyıts’ǫ wet’à dǫne nàowo kaɂa ts’ǫhk’e ayı̀ı wet’àhots’ı̨hɂalı̀ı̀ sı̀ı wegǫ̀t’aà. [...] Ası̀ı ehkw’ı weghàlageda ha ładı̨ adle eyıts’ǫ dǫne sǫłı̨ gıgha ası̀ı wedanàgeta k’e eghàlagı̀de sı̀ı wet’à dǫne gı̨lı̨ gha nàdagetso ha eyıts’ǫ dǫne nàowo k’è sı̀ı weghàgeda ha. [...] Ası̀ı łǫǫ̀gǫǫ̀ ts’àdageèdı̀a eyıts’ǫ dǫ łǫǫ̀gǫǫ̀ sı̀ı hoghàgetǫ ha eyıts’ǫ dǫne ası̀ı wedanàgetadǫ gı̨lı̨ sı̀ı ası̀ı hazhǫ weghǫgeèda ha eyıts’ǫ dǫne sǫłı̨ yàgı̨lı̨ sı̀ı dagogehke t’à dı̀ı la wek’e eghàlagı̀de ha. [...] • Dǫne hazhǫ dı̀ı ası̀ı wedanàta la k’e eghàlagı̀de sı̀ı ( jǫ neè ts’ǫ eyıts’ǫ ładı̨ neè ts’ǫ) weghà eghàlats’èda nàowo k’èagı̨̀t’e ha eyıts’ǫ ehkw’ı eghàlats’eda nàowo k’è eghàlageda ha eyıts’ǫ edàanı̀ dı̀ı hanı gǫndı nàts’ehtsı̨̀ wek’e eghalàts’eda sı̀ı wexòedı ha, edàanı̀ deghà dǫne dats’ehke ghà eghàlats’eda, edàanı̀ ełexè eghàlats’ı̀dè dı̀ı hanı nàowo wet’à dǫne sǫłı̨ gıt’àhòeɂa ha.